<聲明> 有關Bodibra

Bodibra, 一個我曾欣賞的內衣品牌,也曾經於2011年sponsor我內衣產品,當時於yblog出過6篇blog文而得到良好反應(利益申報:當中我從未收取過任何金錢或廣告費用,只有收過內衣產品試用!),馬太更提供了獨家優惠予我的讀者。及後因再次成功介紹不少讀者光顧而再被馬太邀請,為品牌拍攝短片分享,那亦是我最後一次以blogger身份接觸Bodibra

 

於上星期四(即婚後復工的第一天),我收到My Heart Lingerie Ltd (即Bodibra公司) 委託律師事務所發出的律師信,而這篇blog文正要聲明他們對我於2013年12月2日發佈另一內衣品牌Bralogie 試用文<女生必看 | Braologie 合身、好著、經濟內衣胸圍>blog文指控及其因由。

 

文中原文第一段「自從三年前被馬太邀請試bra後,就一直穿著 Bodibra 的功能內衣。亦從那時開始,我開始懂得揀胸圍、撥肉、正確戴bra 。一個適合自己的胸圍,可改善我副乳、鬼鼠肉的問題,這些年更令朋友歸納為「有料一族」。可惜是,Bodibra 加價加得太厲害,由以前一個HK$3XX加到HK$7XX (截至今年暑假)。重申,我已經買舊款!跟三年前最後試戴款一模一樣,新款要加多一百唔捨得。雖然好著,但都好肉痛囉!」,本人特此聲明,Bodibra產品未有由HK$3xx加價至HK$7xx。

 

由於當時我錯誤比較11年優惠後價格及13年購買價格,即11年本人親自帶表妹(她曾自費HK$1899約見馬太改善身型)光顧過的「付HK$750享HK$1500」半價package優惠、Bodibra 曾推出的強化型胸圍HK$599減至HK$399優惠及HK$888/3個胸圍優惠(試用期間每次到Bodibra office約見馬太,她和同事會update最新優惠以便我與讀者分享,故在舊文堆找回記錄!),以對比我於13年暑假在Bodibra始創中心分店自費購買港幣七百多元的背心款胸圍當時店員只介紹我這款胸圍)的價格而令其有所誤會及作出錯誤訊息。在此再重申Bodibra產品未有由HK$3xx加價至HK$7xx。

 

為避免日後誤會,本人將會刪除2013年12月2日發佈<女生必看 | Braologie 合身、好著、經濟內衣胸圍>blog文內有關提到Bodibra句子及過往於yblog分享過Bodibra的複製文章,並日後將不再接受Bodibra內衣產品試用(如有),以及不再發佈任何有關Bodibra 產品(包括自費購買產品)之blog文

 

以此為鑒

9,144 total views, 7 views today

gmail2  fb2  weibo2  instragram2

7 Comments to “<聲明> 有關Bodibra”

  1. poor you..I like how direct you are in your blog..and your writing is really good! Support you!

  2. support u!個陣都係睇你blog先去搵馬太,開頭著到三百幾蚊款,最後sales就話我case要著貴款,即係變相買一件價錢係以前兩件,依家都轉其他牌子la

  3. 我都因為睇左你去買左佢地品牌,不過後來覺得貴左好多冇再去買了,其實你又真係比左700 幾買個野,點解唔會寫呢?我覺得係佢地自己品牌做得唔好囉~~~~

  4. 咁都得! 叫你寫blog就要你promote最低優惠,到你真係原價買過,幫其他品牌宣傳就出律師信,估唔到做法咁小家! 你無做錯唔使怕!

  5. 呢間公司咁都得,真係自己倒自己米

  6. […] 自從三年前開始穿功能內衣,開始懂得揀胸圍、撥肉、正確戴bra 。一個適合自己的胸圍,可改善我副乳、鬼鼠肉的問題,這些年更令朋友歸納為「有料一族」。有關Bodibra對我曾上載錯誤訊息及指控,請看這篇blog文內之聲明。 […]

  7. 值得自然有人買架啦.咁既公司都有. 我先唔會幫襯.

問答環節!

%d bloggers like this: