♥ BRIDE TO WIFE 3週間 ♥ 甜美的人妻生活

成為人妻三個多星期,要把當下感受好好記底,拖得太耐都驚自己唔記得!

  photo Photo 13-4-15 1 23 16 am_zps6irqjm8d.jpg

回想 big day 完畢當晚心情超high!! wedding實在太精彩!太開心! (婚禮點滴就留待之後詳文分享!) 感激舅仔&伴郎留守最後更一起將物資運送回家,當晚我倆二人碌 facebook 至夜深,直到醉意稍降才一起洗澡同眠。誰知臨訓前發現老公仲未換囍字床單既…..(-____-) 結果偷雞只換了枕頭袋&被袋就抱著睡,哈哈~~ 就這樣度過了新婚夜喇!  (激情的事是沒法在那晚發生的!!XDDD)

跟熊大大籌備婚禮&新居入伙已經忙得太誇張,加上訂造傢俬還未送抵,所以還未有時間計劃 honeymoon 。對我來說渡蜜月只是去旅行的藉口,沒去執著「婚後要馬上去旅行」,還是慢慢計劃行程吧!初步prefer 歐遊或是陽光與海灘的地方,去一些從未踏足過的國家,拍板後再跟大家分享!

由於沒去 honeymoon ,我倆只取三日婚假處理大小雜事,day1主要都係還衫。 召貨VAN APPS GOGOVAN 好方便,百多元就由九龍灣→太子金都→中環荷里活道,而且司機服務態度好又肯幫手,值得一讚!晚上跟爸媽晚飯就回去大玩拆人情利是&結婚禮物,過程驚喜又緊張!雖然有些朋友臨時甩底亦沒有下文(反而熊大大沒出現這種狀況…他的朋友就算當晚缺席都會主動入返人情),不過託賴只佔絕少數 (^__^),其他朋友都超好喇!人情債就再慢慢還吧!XDD

 photo Photo 14-4-15 5 02 54 pm_zpsuepcpkgu.jpg

部份靚仔人情利是,讀到初一班主任兼中文老師寫的信更有點眼濕濕!

Day2 老公要上堂,我就留在家中打掃執屋,家務真係做極都做唔完啊!!!

 

 photo Photo 15-4-15 7 09 26 pm_zpsknpe149j.jpg

Day3 晚上回娘家,送上回門乳豬及黃油雞,一家人共聚豐富的晚飯!要暫別娘家了~~~ 好唔捨得!!! 特別係媽咪有煮飯的日子,一家人齊齊整整飲湯、睇電視!

兩個多星期沒上班,誇張到連公司電腦密碼都忘記了…. 試了四、五次先撞得入! (熊大大竟然都係咁…..果然係兩公婆喎!),之後看到枱面出現Bodibra 律師信,拆開臉色一沉… 並要求我七天內出文交待。冷靜過後我最存疑的,是究竟Bodibra 及其委託之律師行如何得知我上班地點及公司名稱,自問從未向他們透露工作資料(自2012年已經無再聯絡喇…)及整件事與我工作無關,一切令我覺得個人資料已被外洩,而我亦先後向Bodibra 及其委託之律師行查詢,截止今日都無人回覆!寫blog咁多年,自問不是搞事/R著數blogger,真係第一次遇到這樣的品牌。以後接試用我會更緊謹,但絕不會為此改變我寫blog方針!(\___/)

 

 photo Photo 17-4-15 12 27 10 pm_zpsfg1o4fap.jpg

講返開心事,有日上司請我食 Lunch buffet at Harbour Grand Hotel  ,有新鮮生蠔仲有好多海鮮、熟食,好味道!! 用某些信用卡(好像是hsbc)及 Openrice 更有85折coupon, 推介!

 

嗯…要是用一句話來形容師奶生活,應該是「忙碌但超級甜蜜」吧!每晚有做不完的家務,放工後買餸煮飯已經好累人啦~但兩口子黏在一起看《大時代》,哭的時候有他擦眼淚 (松哥的戲份太催淚了…..!!),豈不是很幸福的吧!

 

成為熊太太後最大分別就係要學做家務同煮飯!由路到大我係屋企都係十指不掂陽春水架嘛~ XDD 現在想家裡keep住整齊又不想每晚外出食味精,就唯有親力親為啦!

 photo Photo 28-4-15 8 13 05 pm_zps0utxysoa.jpg

還好只有我嘴刁,不過簡簡單單又一餐喇~ 我鐘意食粉麵多過飯,感謝老公配合喔!

 

  photo Photo 29-4-15 9 05 03 pm_zpszfki9yhk.jpg

要到娘家食飯才飲到老火湯,係我至愛嘅番茄薯仔豬展湯,用大大玻璃樽裝回家,有差不多2L! 湯怪(即我)表示超高興 ,仲有超甜日本焗薯,娘家真好!!!

 

 

 photo Photo 4-5-15 2 30 12 am_zpsy3hpoue8.jpg

新居也差不多可安頓下來,從淘寶訂回來的窗簾也整好了~~ 好滿意!

 

 photo Photo 23-4-15 7 38 44 pm_zps4wpnnve7.jpg

香港訂造的田園櫃亦砌好呢!除電視櫃及C字櫃外,更訂造了地台、大衣櫃及電腦櫃,勁多收納空間,太棒了!! 以後沒有任意擺放的藉口!新居裝修&佈置會稍後圖文出blog分享!XDD

 

不經不覺又11時~~ ^___^ 沖個靚涼又要睡了! SEE YOU ALL~~~

 

4,829 total views, 3 views today

One thought on “♥ BRIDE TO WIFE 3週間 ♥ 甜美的人妻生活

問答環節!