婚禮回顧 | 熱熱鬧鬧過大禮 ♥ 獨一無二的囍帖設計

雖然不是樣樣跟足傳統，但對我來說「 過大禮 」絕對是 Big Day 前最重要的一個儀式!

作為女家可以俾媽咪daddy開心收禮品&聘金，便正式答應親事了! (個陣仲有機會反口架嘛! XDDD~~)

 

 等到吉時，熊大大&細佬就合力將禮品抬上家門迎親喇! 由於奶奶不講究禮節，整個過大禮準備，由買聘餅、過大禮籃、海味至紅酒，全部都是我跟老公親自去挑選!! 感激婆婆帶我地去揀靚花膠，更多謝我的好老公從不介意付出多少，有你在我身邊真的好幸福!!~~ 🙂

 

我是獨生女啦~~ 家人也邀請了婆婆、大伯、伯娘、阿姨上來湊熱鬧，多人真係好有氣氛!! 老公入門後說從未見過我daddy見到佢笑得咁開心燦爛! HAHA

 

我大伯酒量超厲害，那天太忘形跟他跟過喝幾杯後我的臉就突然變色了…… WA~~ 原來臉紅時那個色TONE真的好怪異 (平時只會在晚上飲酒喇…)，整張臉像變色一樣…….. 實在好搞笑又無奈!

 

禮物包括鮮果籃，生果於黃大仙中心街市入手，熊大大當天早上才買呢! 樣樣都勁新鮮，加HK$30就有包裝連紅紙!

 

海味籃~~ 樣樣都有D，買兩份代表成雙成對!

 

婚展時買到的奇華嫁喜禮餅，過大禮 & Big Day 都分別換了兩盒，亦順道換了龍鳳餅上頭時伴旁，記得過大禮後就將龍鳳餅放入雪櫃等到big day，而嫁女餅就一人一件即日食哂嚕~

 

四京果，像是有子孫興旺的意思。而禮金支票&過大禮利是也入在包羅萬有利是封， 利是代表古時要買雞、豬、魚的心意，這些都是金都店員教喇…. 跟著便是了! XD

 

當然唔少得過大禮籃，購自太子金都商場，價錢忘記了~ 好像是HK$588/688~

 

 最後的大合照~~ (^O^) 感謝各位讓我有難忘一天!! 哈哈~~ 我的臉色太突出怎樣tune都改不了… 天生沒有分解酒精的enzyme是比較麻煩的!! 不過有了教訓後我在big day影大合照前都保持滴酒不沾，待那晚完成所有環節才跟密友們喝的痛快，不然合照都變得太恐怖吧…. 哈哈

 

過大禮後可以正式派帖了!!

 

之前太低估喜帖的製作時間，一時醒唔起臨近新年好多廠家年尾停工兼休息好多天!! 連打了五、六間喜帖公司均說年尾已經收爐兼要加價快印才趕好，個心即刻勁驚! 說實話做過marketing的人對喜帖要整成兩個月覺得非常不合理，而且封面都是template 啊….@@ 還好婚禮佈置公司 Wedding Art 聽到後就二話不說為我design ，那時候還未決定歐陸田園Brown & Cony backdrop，但我們還是覺得喜帖一定要加兔兔＆熊大大才最代表我們及婚禮主顯，最後的製成品我跟熊大大都好滿意呢!!

至於照片就挑了在名古屋拍攝的婚紗照，那天的髮型&妝容真是100%日本風，十萬個好喜歡!! 個人不太喜歡勁美圖的秀秀效果，所以把肥臉保留，手臂都只是輕輕推高…反正天生就不是骨感型，無謂騙人騙自己吧! 除了喜帖排位，Logo 亦出自 Wedding Art  ，特別喜愛這種活潑字型! 心心係我指明加~~ 🙂 從小就好喜歡心型了!

 

那天 backdrop 有用回那logo!! 🙂 有關那天的婚禮佈置請看【我的夢幻婚禮佈置主題 兔兔 & 熊大】

 

喜帖上的一個笑點~ 被媽媽級友人笑說這是大肚婆才做的pose，會好易令人誤會! (@O@) 我真的沒在想那麼多喇…..

 

 Wedding Art 幫忙design後我就交到卡片王印製，平靚正無得頂! 一早在淘寶找了這種婚禮信封及貼紙，所以喜帖都是根據信封尺寸去設計啊~ 信封實物是米黃色，給親戚的就用紅色信封！原來老人家都係要紅色…. 還好有偉大淘寶及順豐快遞，兩日就收到了!

 

細小利是封都是淘回來及跟WOW友買啊! 金黃色俾親戚，粉紅色 for friends only… 🙂

 

 始終唔係個個識去天澄閣海韻軒，特意落大訂時拿了一大疊地圖卡放到喜帖裡。

 

女家親戚會收到嫁女餅卡，買20張剛剛好!

 

 女家親戚&朋友又會收到餅卡，識揀一定訂東海堂照片餅卡，可以用自己婚照太有意思，我自己都留張做紀念啊! 看見婆婆&娘家都掛起喜帖&餅卡，特別覺得溫馨!

 

就這樣整整齊齊入進信封派給親朋戚友，那陣子的飯局真的多到應付不來，不過可以約到見面我都想當面派，始終有誠意D嘛! 回想起來雖然那時候極度忙碌，不過順利完成每一細節真係會好滿足架! 籌備婚禮總有好多瑣碎事，就算有任何不完美也不要影響big day的愉快心情，總之點都要個日keep住靚，好好享受當上主角的一天! Always be positive!

 

過大禮全紀錄完成喇! 我想下一次要分享新居裝修吧! 啊~~這又是一項偉大工程!! 🙂