好高興收到 盛八日式火鍋放題店 邀請試食放題，仲可以同老公一齊食，努力實現我地「二二二法則」(即夫婦要至少每隔兩星期約會、每兩個月去露營/短遊，以及每隔兩年就要結伴旅行)!! 🙂
盛八日式火鍋放題店 位於旺角通菜街威達商業大廈，地理位置好適合一伙人聚會gathering，鬧市中間點就算去邊度總有一程車回家嘛！XD
盛八一共有六款湯底選擇，由於老公不吃辣，捨棄了韓風泡菜，聽經理推介選了特選甜蕃茄濃湯及黑蒜豬骨濃湯，湯底都是又濃又香，材料十足呢！
每枱都有一大壺上湯備用，那就不怕加湯後會變淡味喇！
這次試食到的是盛八日式火鍋中三款最名貴的一款 – 日本極上飛驒和牛放題 (HK$388) ，上年跟熊大大在名古屋影 prewedding 時，我倆也特意自駕遊到高山品嘗最有名的A5日本極上飛驒和牛，自從食過後就念念不忘!這次盛八的極上飛驒和牛雖然沒注明等級，但從肉質脂肪分佈、色澤、紋理來說，真的不遜於高山吃到的和牛喔！和牛比本地或美國牛較淡肉味，對於一般女生來說都會較喜愛，尤其混合芝麻醬，滿口軟林林的和牛，好像吃甜品般幸福啊！
除了飛驒和牛，日本極上飛驒和牛放題一共可自選五款肉類，包括澳洲貴族和牛、美國特選牛肩、美國進口牛肉及嚴選豚肉，即叫即上確保新鮮，而且點選次數不限，極適合食肉獸朋友！XD 上圖是嚴選豚肉，薄薄一塊容易泡熟，肉質味道也是不錯啊！
另一款我推介的是美國特選牛肩，肉味較濃而且肉質不硬身，比起過往光顧的牛肩放題質素更勝一籌；
除了自選肉類，盛八火鍋放題的一大特色就係有豐富食物BAR放題，刺身、野菜、麵食、飲品、甜品任夾！
等湯底滾熟時必拎前菜冷麵，
更有刺身放題，有六款選擇，
三文魚尚算新鮮呢！
丸類也有約十款，雖然較低回本率，不過鐘意食丸就唔會錯過喇! XD
蔬菜比我想像中還多種類！最鐘意白菜仔打邊煲，香菇、雞脾菇、蘿白更又甜又新鮮，真是少有放題中有如此樣樣新鮮食材!
建議拎食物的三角碟可以再做大些和有深度一點，這款放幾塊菜/菇已經滿滿的很易掉下，
雖然是日式放題，但醬料方面可算是多國種類，就連港式邊爐最出名的香蔥椒絲都有份！
飲品亦都包羅萬有，綠茶、啤酒、汽水、果汁樣樣齊備！
甜品賣相也相當精緻，都係個句啦！食放題真係好少食到靚野架嘛!
差不多80%甜品都係綠荼味，包括這款綠荼泡芙！
最後更與老公一人一杯綠荼雪糕，好creamy!
90分鐘真係好快過啊!!~~~ 吃得最滿足又幸福的一餐!!特別一提店員服務質素極好(佢唔知我地係試食架!)，而且環境寧靜(平時食開既日式放題總係好似街市超嘈…)、野食放得靚仔又新鮮，是非常有質素的日式火鍋放題啊！雖然日本極上飛驒和牛放題每人HK$388+10%聽落有點貴，但有美味兼任食飛驒和牛絕對回本！亦可以選較相宜的美國進口牛肉放題(HK$178+10%)、美國特選牛肩放題(HK$198+10%)及澳洲貴族和牛放題(HK$298+10%)，當然越貴所選的肉類越多亦揀得最名貴啦! 另外它們晚上9時半起更有75折夜食優惠，現在更做緊團購優惠，也是非常判算喔！下一次朋友聚會定會再約在盛八開餐呢！
旺角通菜街1A-1J威達商業大廈Deli2
訂座電話：2616 0960
