婚紗攝影準備篇 ♥ My Stuffs for Pre-wedding

雖然只係影pre-wedding，但同big day一樣有唔少野準備，細看法國婚紗package內容 (舊文按此) 發現須自備內衣、新郎襯衫、花球、鞋、假睫毛、粉卜，拍攝前就跟熊大大來個週末金都半日遊啦！

 

男士襯衫應該是所有婚紗攝影公司都需要新郎自備吧! 有時間建議早一至兩個月訂造，因為現貨未必完全合身，像熊大大高184cm，膊頭位岩size但長度不夠，可惜太遲買不夠時間訂造，還好法國婚紗有提供腰封可以遮住，big day前就要記住早點訂lu。:)

一般在金都已經買到，熊大大選了比較穩陣的銀線邊配銀色鈕，約HK$260，在地庫近電梯(忘記店舖名稱)看似有相當歷史的禮服店購買。阿姐服務超好，更拿了長燕尾、中燕尾、黑白西裝給熊大大試穿比較! 他們的款式比較正統，高大的熊大大穿長燕尾很好看呢，中燕尾對他來說就太短了! *上圖攝在法國婚紗

 

而我自己就買了Girdle。雖然上年做姊妹已經買過 nude bra 砵仔糕，不過姊妹說穿Girdle會比較挺胸 (♥♥眼)，哈哈~ 反正遲些穿婚紗總有機會著，就襯影pre-wedding買埋喇! 其實淘寶有更多甚至更平款式，不過個人認為內衣要fitting才知效果，否則唔岩著都無用。

Girdle 品牌是 Cynthia，價錢約$210。看見有其他更貴品牌，不過我都係大日子先著，平時我穿Braologie Camisole 長背心，Girdle 唔使買到咁靚都得呢。

 

後排五個扣，扣到的話最好都扣到最入。因這件 Girdle 本身沒有胸墊，最好都在裡面加返 nude bra 。

 

nude bra 用家中存貨，用完清洗後的nude bra我會用保觧袋放在櫃桶。(*O*) 看淘寶才知自己一直錯戴nude bra，之前我係求其將兩塊砵仔糕痴埋就係，正確方法是將兩塊nude bra 分別向斜下擺放，有點距離後再扣上。怪不得之前戴nude bra後全無睇頭啦…… (T__T)

 

 

就像上圖般斜下戴上。除非想變成周秀娜，否則一對nude bra已經好夠，加2-3對就太誇張，一不小心移位變成高低胸就好難看。

 

束褲都係著返 Braologie ，夠薄身又挺pat pat，穿貼身婚紗必備！不過當日竟然大頭蝦忘記帶束褲 (明明臨訓前仲記得…..)，雖然著A line婚紗唔使修下半身，不過有著短褲始終衛生好多，部份拍攝動作要坐地下，就算隔住婚紗坐感覺亦不太好，下次一定會記得帶的!! (握拳)

 

大眼仔也是must have item啦! 原來已經一段時間沒買過有色隱形眼鏡 ，回購帶過最舒服的Delight ，之前戴開較便宜的MAX2，今次就買 MAX3 Chestnut Brown one-day 每日即棄款，$230 一盒購至旺角新之城。

 

影相點都會無咁上妝，可選擇誇張款假睫毛，這盒是日本 Magic Magic 型號 W-01 ，多年前獲品牌贈送，今日終於有機會開封。

 

自備 花球 ＆ 花環 ，之前在葉子 Foliage Store 裡買現貨，都是絲花不是鮮花啊！看回記錄8吋花環及花環HK$550。Foliage Store 擅長做絲花玫瑰，比起真花更美更燦爛！

 

最喜愛的玫瑰＆繡球花，數朵紅色玟瑰增加鮮艷度。雖然絲花可永久保存，不過若bigday前遇到更美的絲花花球，到時也會再訂造吧! XD

 

特意 弄 gel 甲。自從我最喜愛的美甲店 Juicy Nail 因店主 Kandy生BB後暫停營業，我已經好長時間無玩甲喇！試過幾次都找不到滿意美甲店。這次純粹貪方便在附近商場仔的 Nail Jelly ，款式是我在網上看到的。

基本雙色連10粒石HK$218，畫花加HK$25一隻，合共HK$318。以商場仔來說有點貴，畫工亦比Kandy 遜色好多，細看玫瑰花好醜，還好拍照不太覺眼。竟然 join package (即6次必須半年內用完) 先送剪死皮服務，乜唔係包埋修甲嘅咩……? 而最生氣莫過於美甲師指出我的甲型問題時不斷貶底我過往的美甲師，連同行都不懂尊重，應該不會有下次啦。

 

自備 shu uemura 6角形粉樸 ，也是我用過最易上妝的粉樸！連嘴角、鼻翼位都能夠塗得均勻，效果很好呢！

拍攝 pre-wedding 前跟熊大大連敷1星期面膜，前一晚我更fu平時唔捨得用嘅 SkinMedica ，水份足夠，底妝都貼好多架！

 

而我＆熊大大亦分別於前一日修眉，男生修眉後感覺會較整齊；而女生修眉後再畫眉也會較好看！熊大大第一次修眉忍到唔流眼淚，太厲害了！

以上就是我為pre-weding 的準備功夫啦！比起正式自費影pre-wedding，其實今次已經省去了染髮、做緊緻treatment (提升蘋果肌會笑得靚D)、淘寶買道具及購買婚紗鞋(這次只有自備家中高跟鞋)等等，11月到日本影相時大概會更著緊呢! (*V*)