偷聽「女」人心

在YOUTUBE翻看上週 < 星期日檔案 >,主題「 偷聽男人心 」,都差不多是之前港男港女個FD。節目主要講述男仕對女性及兩性關係的看法,有幾點確實不能認同更多。建議女生有時間真係可以睇下!!

然而最近常聽到身邊朋友說好難找男友,就算找到伴侶亦極快甩拖(3個月內),她們跟我年齡相約、學士或HD/ASSO畢業、有正當職業、人品隨和懂關心人、外貌身型都屬見人得之列,而且重點是~ 她們不貪慕虛榮,又非名牌奴隸或購物狂,怎麼會咁難搵男友?!!!!! 後來GIRL TALK後我發現她們都有數個共同要點,未知單身的你又會否中下列的??!!!

1. 諗得太遠
90%的朋友都說希望找個穩定伴侶,不想浪費時間拍散拖~ 講白D,即係已經跳到”搵老公”。雖然這諗法係正確,但未一齊過又怎能肯定對方不是合適的婚姻對象。而她們去量計穩定伴侶的標準不外乎家底、職業、學歷、人品。計我話,老公唔一定要有錢高學歷(當然有就最好啦XDD),更重要係有責任心,能夠對家庭作出負擔。日久見人心,必須相處一段時間先敢去猜測,而且世事太多變數,邊有百分百擔保嫁得出架,既然係咁~ 何必為左這個框框封死自己,倒不如找個岩嘴型去愛錫自己。

2. 執著過去
女人太喜歡比較啦~ 自己 VS. 男友EX,自己EX VS. 男友。做人必須向前看,分手以後應學到更佳的情緒管理及兩性相處之道,經常拿EX的一套比較現任男友既不公平又是不智。某朋友上段感情受過傷害,對愛情盡失信心~ 我明白這要時間來淡忘痛楚,但一邊痛恨世上雄性生物,一邊又埋怨無男人埋身~ 咁… 究竟想點呢! 雖說愛情無童話,但至少嘗試抱著希望吧。=)

3. 欠缺主動
既然圈內朋友不成愛人,倒不如主動參與其他社交活動認識新朋友。遇到對的人就要做主動喇,不是每段感情都送上門,幸福不尋人喔。又好多女仔介意女追男,其實”追”的定義真係好難定~ 遇到岩既,主動TEXT下、約睇戲食飯、打電話傾閒計咁又算唔算追呢?! 不過我又好肯定,下下女仔做主動一定蝕底,咁易得手男仔唔識珍惜,所以主動得黎都要有技巧XDD,要是對方對你有意思又一定會做返D野,對你無興趣既亦都無謂等。

其實男人跟女人一樣,揀偶條件非以樣貌身型為首,只要俾人感覺舒服便可,最關鍵還是性格態度。通常最受異性歡迎的女生都不是最靚最索,反而性格開朗可愛、不根根計較先最殺食。又,當定律當膚淺又好,所有男人都喜歡女人溫柔嬌嗲,亦係香港女性最缺乏的。唔少人視溫柔嬌嗲為發姣,確實未到位(男友)嗲聲嗲氣又真係好難頂既~ 那至少唔好起弶,自以為高人一等,要求多多難相處,剩女之路不遠也。

加入下面連結~ 不定期會有美妝心得、新品情報、網購分享及美食推介唷!









 

1,243 total views, 2 views today

2 thoughts on “偷聽「女」人心

  1. 剛剛看到你的舊文.
    我跟台灣人沒有了.
    不過卻跟一個認識了一年的男生好像開始了.
    最初也是我DATE 他先的. 約佢睇戲個D.
    剛好一年, 他就成了我男朋友了.
    希望我也可以好像你這樣幸福快樂

問答環節!