♥♥童年時真幸福♥♥公開我的小秘密

換掉櫃子時翻開好多兒時的照片,小時的我實確好好好幸福,我既係家中獨女又是大孫,大家總把最好留給我,收禮物都收到手軟,收過洋娃娃、大小LEGO、紅白遊戲機,甚至玩具玩反斗城的手提電腦等等。別人常認為獨女好悶,但我一點也不覺得!記得以前常常到處遊歷,一到暑假就不在香港,跟公公周圍飛周圍玩(去襯都係亞洲地帶..嘿嘿!)。也因為公公在越南有樓房,在那邊也渡過好幾個暑假。

歲半時第一次搭飛機,那時的機票比現在貴得多,一家人齊齊整整去旅行真係件好幸福既事。

Photobucket

兒時父母要工作,所以係公公一手一腳湊大我,重養得我肥肥白白。依份情,我無時無刻都記住,現在跟將來定要好好報答!

Photobucket

也因為兒時跟父母分開住(他們住隔離座),關係比較疏離,好多心事都唔會同佢地講,直到這幾年才開始打開口窗。有時候看到朋友跟父母關係密切,也讓我羨慕呢。

Photobucket

拍照時常不為意「交叉腳」企,看照片才知,原來兒時已經有這樣的習慣,究竟係邊到學返黎呢?

Photobucket

媽媽常說我有「小朋友緣」,不知怎的好多小朋友都會主動痴埋我到,唔通我有一副「媽媽相」?

Photobucket

唯一一次做花女,滿身都係玫瑰花。那天我自覺靚到飛起,還記得身旁的朋友仔均報以羨慕的目光,其中有個重好唔抵得咁話:「你著成咁我地唔同你玩!」

Photobucket

小時候我已經極之貪靚,那時好興電曲髮,我不顧頭髮有多短,硬要把頭髮電曲(下圖)!

Photobucket

每次看回這輯照片都笑到噴飯,好鬼正!!!!

Photobucket

公公好型!我也不賴,穿高叉裙!!

Photobucket

我把秀髮真係無得頂啊!!!

Photobucket

婆婆在街上巧遇郭富城,即刻話個孫好鐘意佢叫佢簽名,其實我個陣淨係鐘意周慧敏!HAHA

 


依張太搞笑喇!!!! 不得不發!!

Photobucket

「黑猩猩大遇攣毛囧」!我極度相信影相個陣我係超!淆!底!

後來表妹出世,公公婆婆要幫手照顧,就減少跟公公外出旅遊的機會嚕。

Photobucket

雖然那時我土味十足,但這張合相拍得四口子好溫馨好幸福呢!好鐘意!\*^O^*/ 我表妹小時候眼碌碌兼白雪雪,說話又盞鬼,深得全家人既喜愛,直到現在我跟她的感情仍然好好的呢!(親親*)

時間真係過得好快,不知不覺我已經成為大人,尚餘不足一年便要全職投身社會,到時實有一大堆煩惱要面對(唉….)。縱使未來的路好漫長,但想著過往家人的悉心照料,也是時候學起乘擔責任了吧。

向自己說聲加油!!!!!共勉之****

840 total views, 2 views today

gmail2  fb2  weibo2  instragram2

問答環節!

%d bloggers like this: