婚禮回顧 | 我的夢幻婚禮佈置主題 兔兔 & 熊大

每次回味 big day 當日仍然好難忘，感覺好盡興！

記得最初我同熊大大剛開始籌備結婚，我地都諗住唔擺酒，改以cocktail形式邀請親友前來，一來覺得搞全日好累太麻煩…. 二來都想儲多D錢落首期度，後來跟家人商量後，當然係走唔甩啦！哈哈~~ 雖說結婚是兩口子的事，但婚宴絕對是兩家人話事！既然爸爸都想請多D親戚同工友，那我們最終都改變主意，幾經考慮下就決定場地 – 紅磡海韻軒海景酒店內的天澄閣中菜廳! 現在回想起來，好興幸當日有決定擺酒，雖然對於做事極度 detail oriented 的我來說，籌備結婚好漫長又瑣碎，但卻賺到了超級甜蜜和滿足的一天，不僅是我跟熊大大的愛情回憶，更是體驗親情及友情的重要時刻！他日我們老了~ 回帶細味當日的點滴，定會百般美好在心頭。

難忘的地方有太多，其中一樣一定係當晚的婚禮佈置，所以也率先分享！由策劃、設計創作至電腦出圖，佈置公司真係事事有交帶 & 高質素，直到 big day 當日見到所有 decoration，更令我跟熊大大有莫大驚喜，因為真！係！好！靚！！！完全係我地想要嘅野！實在有賴婚禮佈置 Wedding Art ，以及超級 helpful 直頭無左佢唔得嘅PM Siufei ，才能夠幫我地將幻想變成真實！

 

我們的婚禮主題是 「 甜蜜の兔兔 & 熊大 」，風格是浪漫歐式田園。認識我倆的人都知道我跟老公是 line friends 裡 brown & cony 頭號粉絲！由我倆一開始拍拖，就已經稱呼對方做 「兔兔」& 「熊大大」，還有每天用不同的 line stickers 傳情，實在太多貼圖都能夠表達我們呢!! 久而久之，兔兔&熊大已成為我倆不同缺少的部份，所以design主題時就已經好希望用兔兔 & 熊大，但是絕不是在 line store 或者 line 展覽那種硬繃繃或太過卡通化，而是創作一對真正屬於我倆style的兔兔&熊大! 文字太難形容吧，直接去圖吧~~~~!!!

 

Welcome photo – 這張是天澄閣放在 lobby 的welcome photo，於婚禮前一、兩個月email交相， Siufei 幫我加入熊大&兔兔元素，那時候我們還未 finalize 佈置設計，所以這個熊大&兔兔跟場地的感覺有不同，這個與喜帖較類近~~ 🙂

 

Welcome board – 場地就是以充滿歐式田園風格的 Garden rose 加上兔兔、熊大，演變成我倆的 wedding decoration ！相片太光拍不到details位~ 背景用了歐陸牆紙圖案好美，遲D再同大家分享原圖。

 

Reception Table – 整個佈置都是以粉紅、粉綠及白色為主，配以大量絲花&歐式佈置！出來的感覺好和諧，整個出來好夢幻！也是我倆追求的溫馨浪漫感覺。

 

車花公仔當然要用 熊大 & 兔兔 ，係big day一個月前臨急臨忙係太子金都商場找絲花店整，問好 Siufei 拎顏色意見，再自己揀花材，還好出來的拍照效果好不錯!! 而這對公仔係特別有意義，個陣係熊大大求婚送給我，嘻~~ 這對公仔見證著我倆踏步第二階段，現在都擺放在新居的飾物櫃。

 

走廊隧道 – 有去過天澄閣的B2B，就知道它有一條小小的走廊隧道，而跟 Siufei 相討時，她就提議以「小時候」作idea，我地聽完覺得很好就照做了!! 一開始見到我倆小時候的樣子，進入「時光隧道」後就見到我地變成大人！而且亦做到tum老人家開心的效果，懷念返年輕時照顧我們呢！

 

那天有好多小朋友都爭著同佢地合照~ 唔講唔知，熊大大的姪兒跟熊大大小時候也有幾分相似，合照都很好笑呢！(為免影響家人就不公開POST啦^^)

 

我想每對新人都會後悔 BIG DAY 影得咁少相 (我指用自己手機…) ，還好趁迎賓前我有跟我的人形紙板合照，haa 我小時候已經超愛玫瑰花，還很愛擺pose！

 

 Photo area – 其實天澄閣的入口不算很大，隧道旁擺放了相片foam board~ 都是上年在日本名古屋拍攝紅葉prewedding的照片，這幾張都好喜歡！

 

Seating plan – 一入隧道就見到 seating plan，有留意兔兔&熊大轉了示好表情嗎?! XDD 大概只有我會著重這些細節…. 因為臨時有幾位朋友甩底，多得老公係我化妝換衫時更換賓客座位，更感邀班兄弟姊妹幫我極速轉名！

 

Album table – 相簿區放了名古屋prewedding 相簿 (最後覺得免費拍攝的法國婚紗太唔靚所以無擺出黎XD) ，還放了幾本紀念冊，賓客影完 photo booth 就可以過去貼相&寫上心意字句!

 

兔兔 & 熊大 轉了 相親相愛表情!! (^O^)

 

Second Backdrop – 由於我地只擺了23圍，所以位排 (photo booth 右邊) 就特別做多塊 second backdrop 。以我倆各自的房間做背景，我特別叫 Siufei 畫上獅子山 & 青馬大橋，依個窗景我地真係由細睇到大架，現在就變成啟德維港景了！

 

這對寫上我倆名字的 兔兔 & 熊大，其實是模仿前年我送給熊大的生日禮物 (舊文)，

 

就是這對了!! 記得當初我跟 Siufei 分享過好多我倆重要的拍拖相，她說過掌握我倆的感情生活越多，就越能設計出屬於我們的佈置，難怪每次收到設計都像看通我的感覺！！！　

 

Food menu – 連菜單都要主題一致喔！Wedding Art 設計後，我就拿給天澄閣彩色印製，效果好好呢！

 

Main backdrop – 最後出場也是我最滿意的部份，巨型 兔兔 & 熊大 backdrop ，用了我倆最喜歡的公主抱貼圖，還替他們穿了婚紗和禮服呢!! 太開心天澄閣可以擺到巨型backdrop，放上去真係好有氣勢，好壓場呢！當晚好多親戚朋友都說backdrop 超美，真的~ 他們都拍得好靚啊!!! 因為太喜歡就放多幾張圖留念啦!

 

橫倒好靚，好喜歡那兩顆大大的 Garden rose！聽了 Siufei 建議改用粉紅地毯，效果更加柔和!

 

直倒效果都好好，顯得熊大&兔兔更加突出!!

 

就算是感謝詞背景也超有feel呢~~

 

切蛋糕啦! 天澄閣的假蛋糕真係好靚！仲記得個陣我一路切，就一路笑住咁流淚，站在台上看到我全部我最愛錫的人，個刻真係好感動！有認識多年的朋友、有中一及高中的班主任，更有由細照顧我的爸爸、媽媽、公公、婆婆等等等，全部坐哂係到見証我重要時刻，個種感覺真係難以形容，眼淚不自覺地流，真係好開心！

 

除了因為台下賓客，更因為自己搵到一個咁愛錫我的熊大大而感動！

遇上熊大大前我是個不敢去計劃結婚的人，總覺得婚姻離我好遠，直到與他一起，他無時無刻都像熊大照顧兔兔般照料我，是個溫柔善良的暖男！跟他一起我都覺得超幸福，由day1拍拖到婚後從沒改變過。雖然拍拖不久他就向我求婚了，但我更慶幸我倆在最甜蜜的時候決定建立小家庭，結婚是需要衝動的，我深信我倆一定可以恩愛到白頭的！

 

又打到眼濕濕~~ 還是說回 wedding decoration 吧!! Backdrop 用 pastel color 很好配，最後造型時跟化妝師 Janis 合照，紅裙變得好搶眼，每幅相都看到兔兔熊大真的好開心！

 

每次睇返D相都好唔捨得個backdrop 啊!!!! (T___T) 成個場地佈置都好想帶返屋企! 真的不知道要對 Siufei 說多少句感謝！不論是婚禮佈置還是其他婚禮項目，只要我開聲她一定幫忙，每次問佢意見總會想得比我更遠更pro!! 看得出她除了經驗豐富， Wedding Art 背後的團隊也好厲害，一講就明，還會主動為我諗得更完美！好開心經過 wedding 後我又多了一個朋友仔啦! really much appreciate!! =P

 

婚禮回顧陸續有來，不過這一篇竟然打到半夜4點….@@太誇張!!!!! 下次不可以太長氣喇…XDD

 

 

***再次感謝 Wedding Art 提供婚紗佈置! 🙂 thanks!!