熟識我的良朋都知我咀习兼揀飲擇食，鍾情的食物超多，可是絕不會吃的食材也有一大堆。要知道食物好味與否源自你的味蕾分佈，也即是人人不同，所以我的立場不代表你，以下只純為個人評論喔。
超級喜愛的榮式燒雞扒，灣仔區的頭號午餐。雖然只吃過一次咁大把~ 但是其味道到現在仍未能釋懷，實在太似小時候跟公公去過扒飯的味道…. 好既野果然一輩子都會記住，吃得好有感覺 XDDD。雞扒是燒的，皮燒得薄脆，咬下去有點像薯片，油份不多~ (OK..我知道燒雞扒 + 炸豆卜 + 白飯 已是極高GI食物!! ) 配合埋葱油加秘製汁(減肥大忌!) ，真的好好味啊!!!!!
餐廳以燒雞扒馳名，其套餐種類眾多，可併鰻魚、蓮藕、豬頸肉等等，而且亦可跟烏冬，每人消費大約 $40，值得推薦。
榮式燒雞扒 Wing’s Catering
地址 : 灣仔晏頓街8號地下
電話 : 2139 3598
小時候好愛跟家人食蛇，特別係蛇羹，保暖又滋味，印象中深水埗跟廟街的質素相當不錯，在門外師傅更會即場表演割蛇，尤記得自己摸過生蛇，為此興奮左成晚。(細個已經咁變態 XD) 不過長大後跟朋友閒聊，才發覺咁多女仔唔敢食蛇，有咁恐怖嗎?! 現在吃到蛇羹的地方已不多，尤其是新鮮蛇肉製成，就算老店蛇王善蛇行已經改為雪藏蛇肉，一食就食得出~ ( >__< ) 味道真係差好遠呢!! 跟MAMMY SHARE 大碗 (約$60)，未吃過的可以試下啊~ 支持一下傳統美食喇!
蛇王善蛇行
地址 : 油麻地廟街35號地下
電話 : 2385-6299
有些美食漸被時代淘汰，但歷久不衰的也有不少，其中一樣正是港式蛋撻。雖然泰昌分店眾多，不過要吃嚕~ 自然首選中環總店，就算吃不出分別總要排下隊、望下舊環境先夠過癮嘛。
港督蛋撻絕不浪得虛名啊~~ 店內佈滿店主跟前港督彭定康的合照，部份更係回歸後回港拍的，可見肥彭真係好愛吃!!
$5個~ 價位好合理，在澳門吃著名葡撻也要$8個，難不得人家半日就收市。
買回公司邊吃邊工作，吃真是人生一大樂事，做女星無得食真係好慘啊!~ 我嘛…. 下餐先減吧!! HAHAAA
泰昌蛋撻
地址 : 中環擺花街35號地下
電話 : 2544 3475
