貳零壹肆 ♥ 回顧與展望

回顧2014年真是悲喜交集,以為得到的結果落空了,反而沒想到最後竟然事成了! 人生總是充滿挑戰與未知,亦因這樣才能令我們擁有不一樣的每一天!

今年是勤勞的小兔子,工作方面也算是蠻順利呢! 先是年頭成功升職加薪,之後再順利跳槽~(雖然做唔到最心儀的崗位,5th interview 失敗了,嬲左自己好耐!>~~<) ,還好現在的工作也算OK啦,希望這次能夠建立更好的career path喇!

而freelance亦由年頭密密做到年尾,差不多每晚回家後仍要繼續工作。雖然經常自我埋怨「點解要咁辛苦」,但某程度上我也好enjoy當下這樣充實的生活,換取到不同經驗 &network。對我來說,機會走到手中,就一定要抓住和好好做下去,別讓自己後悔!

我跟熊大大都不是出自富裕家庭,家人付首期甚至預留物業的情節是不會出現在我們身上啦! 反之今年真係多得各單位照料,加上多年來儲蓄及機會,成功儲$$$上車,擁有第一間屬於我倆的物業啦!^^其實能夠跟熊大大靠雙手創造未來係一件好美好嘅事,享受這種先苦後甜,深信捱幾年就會舒服多了!=)

 photo IMG_0594_zps7a95374b.jpg

說回房子,其實早在今年年頭就已經四出睇樓,將睇樓變成拍拖節目,跟地產經紀建立關係,得閒睇《樓市傳真吸收資訊。發覺睇樓真係要趁早,睇得越多就越知道偏好,到將來有能力時,亦知道從何入手,或者有靚盤人家也會盡早通知我們。眼見樓價一個月比一個月瘋狂,雖然深知道未來會有下跌可能,但始終是自住性質,有能力供樓的話還是想先上車。

買唔起新盤兩房,更不願花錢購入高級劏房(嵐山實呎177售154萬 @__@),就只有投靠二手市場。地區是重大考慮因素,雖然新界西北較便宜但離兩家人遙遠,而且自小住在九龍市區,若每天外出都需要一、兩小時車程實在好費時…最後將目標鎖定九龍區,能配合沙中線發展及可以「步行」至地鐵站(鄰近地鐵站已經太昂貴:( )為佳。

現在的房子雖然沒有理想的好,但都算是跟熊大大「一見鍾情」呢! 待正式收樓後就可以安排裝修事宜啦!budget唔夠又缺乏經驗,唯有事事親力親為做多D功課,希望以最有限金錢換取到安樂蝸。=)

 photo 0002_zps99b1f82f.jpg

至於婚事安排,其實都做左好多野!其中最開心就係11月時去到日本名古屋影pre-wedding!由於這次光顧的是當地的婚拍公司,沒透過任何agent,單是聯絡挑選日子地點已經花不少時間,不過到步後發覺日本人待客至上的服務態度真的令人無法挑剔! 雖然大雨令原定計劃有變,幸好遇上完美的攝影團隊,成功影到一輯好sweet好滿意的照片,稍後再跟大家詳細分享喇!

今年跟熊大大的感情有增無減,感激遇上跟我一樣會事事上心的您,同居生活順利通過!今後繼續與您分甘同味,希望下年兩大projects(新居 & big day)可以順利完成喇!

 

共勉之***

3,825 total views, 2 views today

5 thoughts on “貳零壹肆 ♥ 回顧與展望

    1. 謝謝你啊~ 其實我地開頭都做錯決定, 否則可以慳到幾十萬又唔使咁趕…
      今年運氣真係好麻麻, 希望下年大家越黎越好~ 你都可以買到心頭好!! ^^

  1. 你好~ 我同另一半都準備上車, 但樓價真係越黎越癲..要平d 真係要偏遠如大埔粉嶺..但出入好”哂”時間..
    因為我地家人都係九龍區..而佢返工都係九龍區, 所以如果住屋就到其中一個都好丫~
    所以想請教下你…方唔方便問你地買左邊到? 同埋幾錢?
    如果唔方便公開可否email 再交流下 ^^” 謝謝你!!

問答環節!